Care Lumiacce, cari Lumiacci,
Mentre chì 2016 si mette in ballu, aghju u piacè, à nome di l’eletti è di u persunale di a casa cumuna, di prisintà vi i mo auguri di Pace è Salute.
A Pace di tanta primura per i nostri antichi oghje ripiglie forza. Dopu à u scumpientu di u13 di nuvembre, u «statu d’urgenza» incù e so angosce, ramentanu à a nostra sucietà i periculi ch’ellu impone u fanatisimu. è ogni analisa s’accorde à dì chì stu terrurismu hà un legame incù e finanze di u petrolu è ci vole à inchietà si per a giuventù uccidentale di stu principiu di u XXI seculu.
Ne u sangu, ne a gattivera, ne a guerra ùn ponu arricummandà di diu è «i populi chì si scordanu di a so storia, sò cundannati à rivivella». Ingagemu u nostu core sanu per chì i valori di u bè, l’educazione, a cultura, u sapè, a libertà di spirdu, a tulerenza, vincenu i valori di u male.
Siamu fieri ch’in Lumiu, a municipalità, e maestre è i maestri, i zitelli di a scola, abbianu alzatu versu u celu, à fiancu à u munimentu, un pinu di lume messageru di pace… sta PACE cusì debule, mà tanta cara, in stu capu d’annu 2016.
Siamu fieri ch’in Aiacciu, in risposta à l’assaltu di i spenghjifocu, u populu sia fallatu in carrughju à dì di nò à u disturbu pubblicu, à dì di nò à e malfate. U Campà Inseme impone u rispettu di l’altru, è dà più duveri ch’à diritti. Issi duveri chì noi, l’eletti purtemu à piccolu dipò quasi dui anni. D’aprile per l’anniversariu di l’elezione prisenteremu à i Lumiacci u nostru primu bilanciu.
L’annu passatu hè statu riccu in elezione è in cambiamenti, è mi permettu di salutà cù amicizia sti nuvelli eletti chì c’intornanu. Indè l’ordine u binomiu Jean Guglielmacci et Elisabeth Santelli, eletti cunsiglieri dipartimentale di u nostru cantone di marzu, François Orlandi u presidente di u cunsigliu dipartimentale di a Corsica Suprana, François Marchetti chì hè statu purtatu à a prisidenza di a Cumunanza di cumune di lugliu, Gilles Simeoni cù tuttu u so cunsigliu esecutivu è Jean Guy Talamoni chì anu creatu a surpresa vincendu l’elezzione Tarrituriale di dicembre scorsu.
À tutti, dicu «felicitazione» per u vostru ingagiamentu, vi prighemu di riesce tutte e vostre intraprese d’intaressu pubblicu per a nostr’isula è saperemu dumandà vi aiutu per pudè risponde à l’attese di i paisani di Lumiu, ciò chì ci stà in core, u sviluppu di a Balagna è di a Corsica.
Stefanu Suzzoni
Merre di Lumiu
Mentre chì 2016 si mette in ballu, aghju u piacè, à nome di l’eletti è di u persunale di a casa cumuna, di prisintà vi i mo auguri di Pace è Salute.
A Pace di tanta primura per i nostri antichi oghje ripiglie forza. Dopu à u scumpientu di u13 di nuvembre, u «statu d’urgenza» incù e so angosce, ramentanu à a nostra sucietà i periculi ch’ellu impone u fanatisimu. è ogni analisa s’accorde à dì chì stu terrurismu hà un legame incù e finanze di u petrolu è ci vole à inchietà si per a giuventù uccidentale di stu principiu di u XXI seculu.
Ne u sangu, ne a gattivera, ne a guerra ùn ponu arricummandà di diu è «i populi chì si scordanu di a so storia, sò cundannati à rivivella». Ingagemu u nostu core sanu per chì i valori di u bè, l’educazione, a cultura, u sapè, a libertà di spirdu, a tulerenza, vincenu i valori di u male.
Siamu fieri ch’in Lumiu, a municipalità, e maestre è i maestri, i zitelli di a scola, abbianu alzatu versu u celu, à fiancu à u munimentu, un pinu di lume messageru di pace… sta PACE cusì debule, mà tanta cara, in stu capu d’annu 2016.
Siamu fieri ch’in Aiacciu, in risposta à l’assaltu di i spenghjifocu, u populu sia fallatu in carrughju à dì di nò à u disturbu pubblicu, à dì di nò à e malfate. U Campà Inseme impone u rispettu di l’altru, è dà più duveri ch’à diritti. Issi duveri chì noi, l’eletti purtemu à piccolu dipò quasi dui anni. D’aprile per l’anniversariu di l’elezione prisenteremu à i Lumiacci u nostru primu bilanciu.
L’annu passatu hè statu riccu in elezione è in cambiamenti, è mi permettu di salutà cù amicizia sti nuvelli eletti chì c’intornanu. Indè l’ordine u binomiu Jean Guglielmacci et Elisabeth Santelli, eletti cunsiglieri dipartimentale di u nostru cantone di marzu, François Orlandi u presidente di u cunsigliu dipartimentale di a Corsica Suprana, François Marchetti chì hè statu purtatu à a prisidenza di a Cumunanza di cumune di lugliu, Gilles Simeoni cù tuttu u so cunsigliu esecutivu è Jean Guy Talamoni chì anu creatu a surpresa vincendu l’elezzione Tarrituriale di dicembre scorsu.
À tutti, dicu «felicitazione» per u vostru ingagiamentu, vi prighemu di riesce tutte e vostre intraprese d’intaressu pubblicu per a nostr’isula è saperemu dumandà vi aiutu per pudè risponde à l’attese di i paisani di Lumiu, ciò chì ci stà in core, u sviluppu di a Balagna è di a Corsica.
Stefanu Suzzoni
Merre di Lumiu