Care Lumiacce, cari Lumiacci
Per quell'edizione, a squadra municipale sana piglie a piuma per u tradiziunale edito di u nostru Nutiziale. Vi prisintemu i nostr'auguri i più sinceri di "Pace è Salute", per quell'annu novu 2017.
2016 hè statu imbruscatu. U terrurisimu hà torna culpitu, dapertuttu in u mondu è vicin'à noi, à Nizza, Bruxelles, Berlinu. Vulemu sprimà a nostra sulidarità incù e vittime è i so prossimi. U fanatisimu, a crisa ecunomica, e perturbazione mundiale sò dinò sugetti d'inquietudine per tutti. Forta di a so manera di campà è di a sulidarità, a nostr'isula hè appena prisirvata mà micca disparata da e difficultà ecunomiche è suciale. Auguremu per 2017 di più pace in u mondu è di prusperità per tutti, auguremu di più sulidarità, auguremu chì ciò chì hè nobile piglie a suprana annant'à l'interessi persunali, anzituttu indè u duminiu di rispettu ambientale.
Eletti sò quasi 3 anni, ghjè dinò l'uccasione per noi di fà un bilanciu di a nostra spirienza à e rispunsabilità di a cumuna. In u 2014, à u nostr'arrivu in a squadra municipale, à maiurità ùn avia mai esercitatu un mandatu. In furia, avemu pigliatu cuscenza di a vastità di l'imcumbenza, di e prucedure è termini pisante per i cartulari amministrativi. Cundutti da u merre Etienne Suzzoni, mutivati da u so impegnu sinceru, una sinergia s'hè sviluppata indè u nostru gruppu cù persunalità diverse. Capicochje o soci, ferventi o di più muderati, ognunu s'hè implicatu à gradi sfarenti in parallelu à a so vita prufessiunale attiva. Avemu tutti in cumunu a primura di l'interessu cullettivu è u desideriu di vede sviluppassi è spanesi a nostra cumuna di Lumiu.
Indè un cuntestu di finanze pubbliche innalbate, e suluzione sò ricercate incù ardimentu è vulintà, i cartulari sò purtati incù cumbattività, ciò chì ci vale a satisfazzione di vede u stadiu compiu, u prugettu di a scola è di u foru pricisassi, u nostru patrimoniu naturale è architetturale valurizatu, a nostra reta stradatale prugressivamente migliuratu.
Attraversu u CCAS è l'azzione numarose purtate, seguitemu u nostru scopu : ritesse i ligami di u " campà inseme lumiacciu". È pare ch'ella funziuneghje. Site sempre più numarosi à sparte sti mumenti di cunvivialità, ripasti, animazione culturale chì vi sò pruposte. Vi ne ringraziemu chì stu ribombu hè un incuragimentu à cuntinuà i nostri sforzi.
L'imcumbenza hè dinò immensa mà a nostra vulintà di migliurà u nostru magnificu paese è a vita di i so abitanti hè senza spacca.
2016 hè statu imbruscatu. U terrurisimu hà torna culpitu, dapertuttu in u mondu è vicin'à noi, à Nizza, Bruxelles, Berlinu. Vulemu sprimà a nostra sulidarità incù e vittime è i so prossimi. U fanatisimu, a crisa ecunomica, e perturbazione mundiale sò dinò sugetti d'inquietudine per tutti. Forta di a so manera di campà è di a sulidarità, a nostr'isula hè appena prisirvata mà micca disparata da e difficultà ecunomiche è suciale. Auguremu per 2017 di più pace in u mondu è di prusperità per tutti, auguremu di più sulidarità, auguremu chì ciò chì hè nobile piglie a suprana annant'à l'interessi persunali, anzituttu indè u duminiu di rispettu ambientale.
Eletti sò quasi 3 anni, ghjè dinò l'uccasione per noi di fà un bilanciu di a nostra spirienza à e rispunsabilità di a cumuna. In u 2014, à u nostr'arrivu in a squadra municipale, à maiurità ùn avia mai esercitatu un mandatu. In furia, avemu pigliatu cuscenza di a vastità di l'imcumbenza, di e prucedure è termini pisante per i cartulari amministrativi. Cundutti da u merre Etienne Suzzoni, mutivati da u so impegnu sinceru, una sinergia s'hè sviluppata indè u nostru gruppu cù persunalità diverse. Capicochje o soci, ferventi o di più muderati, ognunu s'hè implicatu à gradi sfarenti in parallelu à a so vita prufessiunale attiva. Avemu tutti in cumunu a primura di l'interessu cullettivu è u desideriu di vede sviluppassi è spanesi a nostra cumuna di Lumiu.
Indè un cuntestu di finanze pubbliche innalbate, e suluzione sò ricercate incù ardimentu è vulintà, i cartulari sò purtati incù cumbattività, ciò chì ci vale a satisfazzione di vede u stadiu compiu, u prugettu di a scola è di u foru pricisassi, u nostru patrimoniu naturale è architetturale valurizatu, a nostra reta stradatale prugressivamente migliuratu.
Attraversu u CCAS è l'azzione numarose purtate, seguitemu u nostru scopu : ritesse i ligami di u " campà inseme lumiacciu". È pare ch'ella funziuneghje. Site sempre più numarosi à sparte sti mumenti di cunvivialità, ripasti, animazione culturale chì vi sò pruposte. Vi ne ringraziemu chì stu ribombu hè un incuragimentu à cuntinuà i nostri sforzi.
L'imcumbenza hè dinò immensa mà a nostra vulintà di migliurà u nostru magnificu paese è a vita di i so abitanti hè senza spacca.
