Cunsulta di quartiere

Indè u so "prugettu di lege rilativu à a demucrazia di vicinanza" u senatu ne cunclude chì : « A cunsulta di l’abitanti indè e piccule cumune hè spessu infurmale, è a creazione d’istanza specializata distinta di a cunsulta municipale hà pocu sensu. A vicinanza di l’eletti è di a pupulazione, a so diversità sucioprufessiunale, è a culletività pocu stesa, favuriscenu a raprisentazione d’ogni interessu à a cunsulta municipale o rende u cuntattu trà l’elettu è i paisani puì lindu »

Mentre l’ultime elezzione, a squadra municipale hà prumessu una messa in piazza d’una demucrazia participativa, cù primura di chjarezza per e nostre azzione, è ancu puru se, in e cumune di menu di 20 000 abitanti ùn ci hè nissun ubligazione di crea ne una, a municipalità di Lumiu hà vulsutu fà cunsulte di quartiere, per cunsucià a pupulazione à e decizione prese da l’eletti.

A cunsulta di quartiere hè forza di pruposte è cusì, ne pò sottumette à a cunsulta municipale, chì acceterà o micca e dumande, è di distribudisce le à l'autorità cumpetente, seguidendu u duminiu d'azzione chì cunvene.
 
E funzione di e cunsulte di quartiere sò multiplice. A prima hè di permette à l'abitanti di sprime si cù libertà à nant'à i prugetti d'urbanistica è l'acconciu di u so quartiere.


Cunsistenu :

• À cumunicà i risultati decisi da a cunsulta municipale ;
• à esse un foru per fà sbuccià avisi, pruposte e critiche dopu à è decisione prese da l'eletti ;
• d'urganizà u dialocu trà eletti è abitanti.

 
In parellu à a so missione di cumbutta, e cunsulte di quartiere ponu urganizà attività d'animazione, spessu in lega cù l'associ, in accordu cù a cumissione di festività è dopu cunsultazione è cunsensu di a cunsulta municipale.
 
Cusì, sò sempre in cuntattu cù a municipalità è anu un influenza à nant'à e decisione lucale.
 
Senza cuntistà u principiu di libera amministrazione di culletività territoriale, i cumitati di quartiere incuragiscenu d'una manera più vuluntarista a participazione di l'abitanti à a vita di a cumuna, offre à quelli chì volenu, mezi novi per cuntribuisce nanzu à e decizioni prese à livellu lucale è servenu à a rinforza di a demucrazia di vicinanza.

Indè e cunsulte di quartieri ci hè, un elettu raprisentendu u mere, persunalità raprisentative, associ è abitanti.
 
Ogni cunsulta di quartiere hè custituita di 6 soci :

• 1 elettu riferente
• 5 abitanti di u quartiere

I soci sò designati da u mere, dopu à candidature vulintarie, seguitendu i so interessi, e so implicazione indè a vita di u quartiere, e so cumpetenze indè u diminiu d'azzione, prugetti d'acconciu è di migliurazione necessarie à u so locu di vita.

"A cunsulta di quartiere chì cuncoglie omi è donne mutivati da a vita di u so quartiere è di u paese indè u sensu di l'interessu generale è di "campà inseme" anu per vucazione di favurisce a participazione citatina."
 
Cuntribuiscenu à armunizà e realisazione cumunale è i l'opi di quartieri. Permettenu à l'abitanti di sprime si attraversu apustrufate, dumande è avisi. Ponu prupone prugetti d'interessu cullettivi è avvià azzione per migliurà u locu di vita, in lega stretta cù l'eletti rispunsevule di u paese.
 
Secondu i bisogni, gruppi di travagliu tematichi ponu esse create di manera trasversale à a dumanda di e cunsulte di quartiere o di municipalità.